طير بلا مأوي – شعر ياسمين علي

طير بلا مأوي – شعر  ياسمين علي
كتب -

طير بلا مأوي – شعر  ياسمين علي

كنت ليا كل شئ

الأب والحبيب والصديق

الشمس اللي منوره أيامي

والحضن اللي بيطيب الآمي

يا أغلي إنسان عندي

ف الحياة

فراقك كسر قلبي

والدمع ف عيوني

تااااااااه !

لما قلت عنك جدار

أنت كنت منه أقوي

بتصد عني أى طعنه

قلبك كبير قد الدنيا

وأنا على عرشه

أميرة

وفجأه ؟

وف لحظه واحدة

راحت كل حاجة حلوة

اتهد الجدار

احساس مريب

طعم مرير

الدنيا صبحت ضلام

كأني طفل رضيع

وانفطم عن الحنان

وزاده بقى أحزان

كأني خيال إنسان

وبقايا حطام

بس أسمك هيفضل

أحلي ذكري

طريقي لبكره

وهيتحكي لولادنا

مين أنت ؟

هعمل ايه؟

كل شئ اتحسم

وأمر الله نفذ

وف الجنه هيبقي اللقا ………

إهداء إلي روحي والدي

الكاتبة / عضو نادي أدب ثقافة البدارى

 

الوسوم