> قصيدة (مش كفايه) للأديب الدكتور محمد عبد التواب الخطيب | أسايطة

قصيدة (مش كفايه) للأديب الدكتور محمد عبد التواب الخطيب

قصيدة (مش كفايه)  للأديب الدكتور محمد عبد التواب الخطيب الأديب الدكتور محمد عبد التواب الخطيب.
كتب -

قصيدة (مش كفايه)

للأديب الدكتور محمد عبد التواب الخطيب

رجعتْ … وقلت  مش كفايه !

مش هَرفع مهما تعبت الرايه

قلت: هَعَافرْ تانى وتانى ..

لا قلبى هيطاوعنى .. اسَلِمْ..

ولا حتى ف مره لسانى ..

وازاى تنتهى  كده الحكايه؟

أكيد بكره بالفرح جاىْ ..

لسه فيه حلم ديما معاىْ

أكيد مش هي دي النهايه ..

وقفتْ … وقلت مش كفايه!

هقوم.. وإنْ وقَعْتْ ألف مَره

دى الكَسْره عند الحُرْ مُرْه

والرْجُوله وِرْث  وتقاوى

مش عياقه وبصة مِرَايه

ضحكتْ .. وقلت مش كفايه!

مهما الحِزن جانى هَصْبُر

وبكره خاطرى ربى يُجْبُر

ولا تشوف حتى عينى بُكَايه

كَتبتْ … وقلت  مش كفايه!

بكره هأكتِب تانى لمصر قصيدهْ

بكره تستنى الدنيا منى تغريدهْ

بكره هكون ….

أو تكون بايدى البدايه

 

 

 

الوسوم