قصيدة ناصر للشاعر مدثر الخياط

قصيدة ناصر للشاعر مدثر الخياط

قصيدة ناصر

ر فعنا صورتك
فى الميدان
ياأبو الكرامه
والعداله
والنضال
ماأنت الزعيم
وأنت البطل
وأنت اللى تحديت
الخطر
ضد الطغاه
والفاسدين
كانت البلد
فى ايد الملك
وحاشيته
والمرتشين
والشعب كان
فى خدمته
وتحت أمر أسرته
وتحت أمر الإنجليز
وتحت أمر الإقطاعين
شعب كان
عايش ذليل
ماكانش طايل
لقمته
جيت يا جمال
رفعت راسه
وهمته
رديت كرامته
وعزته
وكنت له
دايما أمين
جيت يابطل
لأجل الوطن
لأجل العمار
مكن المصانع
دار
والزرع خضر
بأيدين الفلاحين
جمعوا الثمار
عشت حياتك يابطل
كلك كفاح
كلك عمل
كلك نضال
رمز التحرر
من كل مستعمر
جبان
ياللى أممت القنال
ياللى بنيت السد
فى أسوان
ياللى جعلت العلم
بالمجان
عشت حياتك يابطل
طهر وأمان
جمعت حب الناس
إليك
ماجمعت مال
مابعت أرض
أو مصانع
أو غيطان
كنت واحد منهم
كنت عايش زيهم
كنت عايش حلمهم
كنت ابن
كنت أخ
كنت أب
لكل دار
كنت ليهم السند
كنت الأمان
ومهما قالوا الكدابين
ومهما قالوا الحاقدين
ومهما قالوا المأجورين
انت اللى ساكن
فى قلوب المخلصين
والغلابه المطحونين
عايش تملى فى قلوبنا
يابطل
عايش تملى فى قلوبنا
ياجمال
الكاتب/ عضو اتحاد كتاب مصر والمحامي بالنقض

الوسوم