قولى يا ابنى .. شعر لأحمد كمال 

قولى يا ابنى .. شعر لأحمد كمال  البطل أحمد كمال، أحد مصابي العمليات العسكرية بسيناء

قولي يا ابني
ما شفتش ابني؟؟
كان لابس زيك تمام
طاقيه بنسرها علي راسه
والبيادة والحزام
وفي ايده ماسك سلاحه
وفي الطابور علي طول قدام
واد أسمراني وهبته راجل
والقلب لساه يدوبك غلام
ولا عمره يوم عن أمه اتأخر
ولا عمره يوم عن واجبه نام
كان لسه مخلص عزاله
كان لسه مخلص علام
لو حد شافه يقوله أبوه جاله
والشقة خلصت دهان
وخطيبتك بتسلم عليك
والعيلة بعتالك سلام
ابنك يا ابويا عند ربه
شهيد يشفع للأنام
يمسك ايديك يوم القيامة
يحميك يوم الزحام
ويخدك لباب الجنة
ويرفعك أعلى مقام
ابنك مامتش يا أبويا
ابنك حي عند ربه فى الجنان
ااااه يا ولدي
خدك الموت مني
وانت ف عز الشباب
خدك وسابني وساب شعري اللي شاب
خدك ورماني ف وسط العذاب
طب اقول لـ أمه إيه
لما تسألني عن ضناها اللي غاب
ستعيش مصر وستبقى
وحتما تحيا مصر تحيا مصر تحيا أبطاله
علشان شعبها يعيش

الكاتب/ مصاب عمليات حربية بسيناء
من قرية الهمامية – مركز البدارى

الوسوم