مصر هتبقى وتبقى وتِفْضَل.. شعر للأديب الدكتور محمد عبدالتواب الخطيب

مصر هتبقى وتبقى وتِفْضَل.. شعر للأديب الدكتور محمد عبدالتواب الخطيب

شَبَطْ الواد ف رجل ابوه

نِفْسُه يصلى زى أخوه

قاله استنى.. لسّه صغير

أمه فِرْحِتْ ..

سِتُو قالت يلا خدوه

وف بيت جارهم صوت قرآن

عاده الجمعه قبل الآذان

والأب بيدعى لابنه وحيده

والابن يحب ببر ف ايده

والشايب ماشى سانده حَفيده

طالب جامعه ربى يزيدُه

واللى بيزرع من قبل الشمس ف أرضه

راجع لأجل يأدى صلاته وفرضه

نزّل فاسه وقال يلا نصلى

وأشوف أختى واللى عايزه تِقُولى

.. وغِيرُه وغِيرُه قلبْ الريف

العيشه عاديه والهم رغيف

راضى بحاله وحلمه نضيف

وطلع الشيخ فوق المنبر .. نِفْسُه ينصح نفسه

يذكّر نِفْسُه يِفَهّم دينا الرحمه

دين بيسالم مش بيكفّر

عايز يِدعُو لربه بحكمه

ولسه هَيِحْمد ربُه ويُشكر

لكن فاجر جاى بغدره

جَاى يقتّل جاى يفَجَر

لا خوف من ربْ

لا خوف من حُرْمَه

أشنع فعل وأسوأ منظر

وراح الصبر لأوسع رحمه

شهيد ف الجنه بِتُوبه الاحمر

وعمره ما يكسب اللى يجور

ومصر هتبقى وتبقى وتِفْضَل

واللى هيفنى إرهاب مأجور

مصر هتبقى وتبقى وتِفْضَل

والتار لاولادها عشانه تثور

مصر هتبقى وتبقى وتِفْضَل

واللى يحب ترابها يكون منصور

مصر هتبقى وتبقى وتِفْضَل

أمن وسلم كتاب مسطور

إهداء لشهداء مسجد الروضة بقرية بئر العبد بمحافظة شمال سيناء 

الوسوم